Bora bendigedig eto yn y gors. Erby ddiwedd y bora, roeddwn i wedi dal 26 o adar, ar mwyafrif yn Deloriad yr Hesg. Roedd y rhan fwyaf o'r rhain wedi eu modrwyo yn barod a'r mwyafrif yn geiliogod - arwydd fod yr ieir yn gori. Yn eu plith hefyd, roedd y cyw Bras y Gors gyntaf i mi ei ddal y tymo hwnr. Yn awr, rwyf yn edrych ymlaen at y sesiwn nesaf, pan y bydd cywion eleni yn dechrau ymddangos o ddifrif .
Ar fore mor braf, 'roedd yna lawer o Weision Neidr yn hedfan. Gyda'u llygaid mawr, mae y rhan fwyaf yn llwyddo i osgoi’r rhwyd, ond aeth un i mewn iddi ac wrth ei ryddhau fe gefais sawl brathiad. Ond, cofiwch, 'doedd hwn ddim hanner mor boenus a brathiadau'r gwybaid yn gynharach yn yr wythnos !
Kelvin Jones
Cyn ymddeol yn 2006, bum yn heddwas gyda Heddlu Gogledd Cymru am fwy na 30 mlynedd. Yn ogystal a'm dyletswyddau arferol, roeddwn yn Swyddog Bywyd Gwyllt am y 15 mlynedd dwythaf. Cafodd fy niddordeb mewn adar ei fagu ar yr aelwyd adref yng Nghaernarfon gan fy nhad, oedd yn cadw adar Prydeinig, ac wrth fynd i saethu a physgota hefyd yn eu tymor. I mi, roedd gweld Bronwen y Dwr yn nythu cystal pob tamaid a dal brithyll. Yn aml iawn, roedd bod allan yn y wlad a gweld byd natur yn ei ogoniant yn bwysicach i mi na chael rywbeth i fynd adref i'w fwyta.
Dechreuais ddysgu modrwyo adar ym 1994, ac mae o wedi mynd yn obsesiwn gen i erbyn hyn, meddai'r wraig - sydd yn cwyno nad yw yn gweld ryw lawer arnaf yn ystod y tymor nythu !
Dechreuais ddysgu modrwyo adar ym 1994, ac mae o wedi mynd yn obsesiwn gen i erbyn hyn, meddai'r wraig - sydd yn cwyno nad yw yn gweld ryw lawer arnaf yn ystod y tymor nythu !
Bryan Jones
Magwyd fy niddordeb ym myd natur, ac adar yn enwedig, pan oeddwn i yn blentyn. Arferwn dreulio fy ngwyliau yn crwydro o amgylch y caeau a'r cloddiau, o amgylch y pentref ble'm magwyd, yn chwilio am nythod ac yn y blaen.
Mae y diddordeb hwn wedi aros gyda mi - yn enwedig fy niddordeb yn y Barcud Coch a'r Tylluan Wen. Ar ôl ymddeol o'r Frigad Dân, yn ôl ym 1991,bum yn cynorthwyo nifer o'm cyfeillion adaryddol i fodrwyo adar o bob math, cyn penderfynu yn y diwedd i gymwyso fel modrwywr fy hunan.
Mae y diddordeb hwn wedi aros gyda mi - yn enwedig fy niddordeb yn y Barcud Coch a'r Tylluan Wen. Ar ôl ymddeol o'r Frigad Dân, yn ôl ym 1991,bum yn cynorthwyo nifer o'm cyfeillion adaryddol i fodrwyo adar o bob math, cyn penderfynu yn y diwedd i gymwyso fel modrwywr fy hunan.
No comments:
Post a Comment